ഇരുമ്പനം സ്കൂള്‍

This prestigious institution, which was established in 1939, has played a vital role in empowering the people in and around Thiruvankulam Panchayath. The founder manager Shri. M.O. Ittoop who had a great vision of uplifting the downtrodden people of Irimpanam had to conflict with a lot of challenges for bringing up this school as the heart-throb of the people of Irimpanam. The foundation stone of this school was laid by Shri Ramavarma, the then educational officer of Kochi State. Started as a preparatory school in 1939, the school has developed into a Vocational Higher Secondary School in 2000.There are about 1200 students and 60 teachers in this school now. Located by the side of the sea port-air port road, the school is accessible to any one. Thousands of people who had left out of this school later got renounced as well known personalities in different walks of life.

സിക്സ്​വെയറുമായി ധാരണാപത്രം ഒപ്പുവച്ചു

ഇരുമ്പനം വൊക്കേഷണൽ ഹയർ സെക്കന്ററി സ്കൂൾ Zyxware Technologies എന്ന സ്ഥാപനവുമായി ചേർന്ന് കുട്ടികളിൽ Computational Thinking skills വളർത്തുന്നതിനുള്ള പരിശീലന പദ്ധതിക്ക് തുടക്കം കുറിച്ചു. സ്കൂൾ മാനേജർ എം.ഐ.ആൻഡ്രൂസും Zyxware കമ്പനി സി.ഇ.ഓ. തോമസ് പി തോമസും ധാരണാപത്രത്തിൽ ഒപ്പുവച്ചു. തിരഞ്ഞെടുക്കപ്പെട്ട ഇരുപതോളം കുട്ടികൾക്കാണ് കമ്പനി ആദ്യഘട്ടത്തിൽ പരിശീലനം നൽകുന്നത് . ഇതോടനുബന്ധിച്ച് സ്കൂൾ മൾട്ടിമീഡിയ തീയേറ്ററിൽ സ്കൂൾ മാനേജർ എം.ഐ.ആൻഡ്രൂസിന്റെ അദ്ധ്യക്ഷതയിൽ നടന്ന യോഗത്തിൽ കമ്പനിയെ പ്രതിനിധീകരിച്ച് സി.ഇ.ഓ. തോമസ് പി തോമസ്, വിമൽ ജോസഫ്(Chief Technical Architect) അർജ്ജുൻ എന്നിവരും, പി.ടി.എ.പ്രസിഡന്റ് സുധ, ഹെഡ്​മാസ്റ്റർ വി.എ.തമ്പി , സ്റ്റാഫ് സെക്രട്ടറി എ.ജെ. സുജ തുടങ്ങിയവർ പങ്കെടുത്തു. കഴിഞ്ഞ വർഷം പരിശീലനത്തിൽ പങ്കെടുത്ത അശ്വിൻ വേണുഗോപാൽ തന്റെ അനുഭവങ്ങൾ പങ്കുവച്ചു. അമ്പതോളം അദ്ധ്യാപകരും ഇരുപത് ഐ. ടി. ക്ലബ് അംഗങ്ങളും യോഗത്തിൽ പങ്കെടുത്തു. Zyxware കമ്പനി തൊഴിലാളികൾ സമാഹരിച്ച പണം കൊണ്ടു വാങ്ങിയ അഞ്ച് റാസ് പ്ബെറിപൈ കിറ്റുകൾ സിക്സ്​വെയര്‍ പ്രതിനിധി അര്‍ജുന്‍ ഹെഡ് മാസ്റ്റർ വി.എ.തമ്പിക്കു കൈമാറി.( കമ്പനി സൈറ്റില്‍ വന്ന വാര്‍ത്തയുടെ ലിങ്ക് ഇവിടെ )
image
image

image

image

MoU with Zyxware Technologies

 

Posted in news, ഐ.ടി കോര്‍ണര്‍ വാര്‍ത്തകള്‍, ക്ലബ് വിശേഷങ്ങള്‍ | Leave a comment

സൈറ്റിനു വീണ്ടും ജീവന്‍

അങ്ങനെ നാളുകളായി ഉറക്കത്തിലായിരുന്ന നമ്മുടെ സൈറ്റ് വീണ്ടും പ്രവര്‍ത്തനക്ഷമമായിരിക്കുന്നു.ഹോസ്റ്റിങ് സേവനം നല്കിയിരിക്കുന്നത് ഹിപാറ്റിയ എന്ന സോഫ്റ്റ്​വെയര്‍ സ്വാതന്ത്ര്യത്തിനുവേണ്ടി പ്രവര്‍ത്തിക്കുന്ന, ലോകത്തിന്റെ വിവിധഭാഗങ്ങളില്‍നിന്നുള്ള സ്വതന്ത്രസോഫ്റ്റ്​വെയര്‍ പ്രവര്‍ത്തകരുടെ കൂട്ടായ്മയാണ്. സ്വാതന്ത്ര്യത്തിനുവേണ്ടി രക്തസാക്ഷിത്വം വരിച്ച തത്ത്വചിന്തകയും ഗണിതജ്ഞയും അധ്യാപികയുമായിരുന്ന അലക്സാണ്ഡ്രിയക്കാരിയായ ഹിപ്പാറ്റിയയുടെ പേര് ഈ കൂട്ടായ്മയ്ക്ക് എന്തുകൊണ്ടും ഉചിതം തന്നെ.സ്വതന്ത്രമായ അറിവിന്റെ വ്യാപനത്തിനു വേണ്ടി പ്രവര്‍ത്തിക്കുന്ന ഹിപാറ്റിയയുടെ സേവനങ്ങള്‍ പ്രത്യേക പ്രശംസയര്‍ഹിക്കുന്നു.അതിന്റെ പ്രവര്‍ത്തകരായ ജുവാന്‍, മാരിയോ, ലൂയി ഗോണ്‍സാലസ് എന്നിവര്‍ നല്കിയ പിന്തുണമൂലമാണ് സൈറ്റിന് വീണ്ടും ജീവന്‍ വച്ചത്.

Posted in news, ഐ.ടി കോര്‍ണര്‍ വാര്‍ത്തകള്‍, ക്ലബ് വിശേഷങ്ങള്‍, വാര്‍ത്ത | Leave a comment

പുതിയ വര്‍ഷത്തിന് ഉജ്ജ്വല തുടക്കം

2013-14 അധ്യയന വര്‍ഷത്തെ സ്ക്കൂളില്‍ പ്രവേശനോല്‍സവ ഗാനത്തോടെ എതിരേറ്റു. പുതുതായി എത്തിയ എല്ലാ കുട്ടികള്‍ക്കും ‘ഗാന്ധിജിയുടെ ആത്മകഥ’ എന്ന പുസ്തകം നല്കി സ്വീകരിച്ചു. സ്വീകരണത്തിന്റെ ഉദ്ഘാടനം തൃപ്പൂണിത്തുറ മുന്‍സിപ്പല്‍ ചെയര്‍മാന്‍ ശ്രീ. വേണുഗോപാല്‍ നിര്‍വഹിച്ചു. തുടര്‍ന്ന് നടന്ന സമ്മേളനത്തില്‍ SSLC പരീക്ഷയില്‍ എല്ലാ വിഷയങ്ങള്‍ക്കും A+ നേടിയ വിദ്യാര്‍ത്ഥികളെ ഉപഹാരങ്ങള്‍ നല്‍കി ആദരിച്ചു. മുന്‍സിപ്പല്‍ കൗണ്‍സിലര്‍മാരായ ശ്രീ. സൈഗാള്‍, ശ്രീ. സുരേഷ്, പി.ടി.. പ്രസിഡെന്റ് ശ്രീ. ജമാലുദീന്‍, പ്രിന്‍സിപ്പാള്‍ വി. . തമ്പി തുടങ്ങിയവര്‍ സംസാരിച്ചു. പുതു വര്‍ഷത്തിന്റെ മാധുര്യമായി എല്ലാവര്‍ക്കും ലഡു വിതരണം ചെയ്തു.

Posted in Uncategorized | Leave a comment

HARDWARE TRAINING CONDUCTED.

A one day ‘HARDWARE AND NETWORKING TRAINING’ for students of different schools of  Tripunithura sub district was conducted on Saturday, the 29th of September. 30 students from different schools attended the programme. Thomas yoyaku, Sanal Kumar M.R. and Asha K.K handled classes.

Posted in Uncategorized | Leave a comment

സ്ക്കൂള്‍ തല ശാസ്ത്ര പ്രദര്‍ശനം

multiple reflection

perum jeerakam plant

model of DNA

POTATO CELL

FABRIC PAINTING

ഈ വര്‍ഷത്തെ ശാസ്ത്ര, ഗണിത ശാസ്ത്ര, പ്രവൃത്തി പരിചയ, ഐ.ടി മേള സെപ്റ്റംബര്‍ 26-ന് നടന്നു. രാവിലെ തന്നെ പ്രദര്‍ശന വസ്ത്തുക്കളുമായി കുട്ടികള്‍ എത്തിച്ചേര്‍ന്നു. പ്രദര്‍ശന വസ്ത്തുക്കള്‍ മറ്റുകുട്ടികള്‍ക്ക് കാണാന്‍ അവസരമൊരുക്കിയിരുന്നു. വിവിധ വിഭാഗങ്ങളില്‍ മികച്ച നിലവാരം പുലര്‍ത്തിയവ സമ്മാനങ്ങള്‍ക്കായി തെരഞ്ഞെടുത്തു.

Posted in club activity, news, ക്ലബ് വിശേഷങ്ങള്‍, വാര്‍ത്ത, സാങ്കേതികം | Leave a comment

സോഫ്റ്റ്​വെയര്‍ സ്വാതന്ത്ര്യദിനം ആചരിച്ചു.

IB MANOJ INAUGURATES THE PROGRAMME

IB MANOJ TALKS ABOUT THE FOUR FREEDOMS

IB MANO AND SREEKANTH

ഇരുമ്പനം വൊക്കേഷണല്‍ ഹയര്‍ സെക്കന്ററി സ്കൂളില്‍ സോഫ്റ്റ്​വെയര്‍ സ്വാതന്ത്ര്യദിന പരിപാടികള്‍ ഐ.ബി.മനോജ് (ഫ്രീ ലേണിങ് ഇന്‍സ്റ്റിറ്റ്യൂട്ട്) ഉദ്ഘാടനം ചെയ്തു.ഇതോടനുബന്ധിച്ചു നടന്ന യോഗത്തില്‍ സ്കൂള്‍ മാനേജര്‍ എം..പോളി, പ്രിന്‍സിപ്പല്‍ വി..തമ്പി ,സീനിയര്‍ അസിസ്റ്റന്റ് വത്സ കെ പൗലോസ്, .ടി. കോഓര്‍ഡിനേറ്റര്‍ തോമസ് യോയാക്ക്,എം.ആര്‍.സനല്‍കുമാര്‍ എന്നിവര്‍ പങ്കെടുത്തു. സ്കൂളിലെ സ്വതന്ത്ര സോഫ്റ്റ്​വെയര്‍ കൂട്ടായ്മയുടെ (SSK VHSS IRIMPANAM) കണ്‍വീനറും വിദ്യാര്‍ത്ഥി പ്രതിനിധിയുമായ സിദ്ധാര്‍ത്ഥ് കെ ഭട്ടതിരി സ്വതന്ത്ര സോഫ്റ്റ്​വെയറുകളുടെ സമകാലിക പ്രസക്തിയെക്കുറിച്ചും സ്വതന്ത്ര സോഫ്റ്റ്​വെയറുകള്‍ ഉറപ്പു നല്കുന്ന നാല് അടിസ്ഥാന സ്വാതന്ത്ര്യങ്ങളെക്കുറിച്ചും സംസാരിച്ചു. എസ്.എസ്.കെ അംഗമായ മാത്യു കെ വൈദ്യന്‍ സ്വാതന്ത്ര്യ ദിന പ്രതിജ്ഞ വായിച്ചു. ഉച്ചയ്ക്കശേഷം മൂന്നു മണിക്ക് മള്‍ട്ടി മീഡിയ മുറിയില്‍ വച്ചു നടന്ന യോഗത്തില്‍ എസ്.എസ്.കെ ജോയിന്റ് കണ്‍വീനര്‍ ജ്യോതിക സ്വാഗതമാശംസിച്ചു . സ്വതന്ത്രസോഫ്റ്റ്​വെയറുകളുടെ സ്ഥിരത,ഉപഭോക്തൃസൗഹൃദസ്ഥിതി,തൊഴില്‍ സാദ്ധ്യതകള്‍ എന്നിവയെക്കുറിച്ചും ഉദ്ഘാടകനായ ഐ.ബി.മനോജ് (ഫ്രീ ലേണിങ് ഇന്‍സ്റ്റിറ്റ്യൂട്ട്) സംസാരിച്ചു.. പ്രോഗ്രാമിങ്ങ് അറിയാത്ത വിദ്യാര്‍ത്ഥികള്‍ക്കും സ്വതന്ത്രസോഫ്റ്റ്​വെയര്‍ രംഗത്ത് സംഭാവനകള്‍ നല്കാന്‍ കഴിയുമെന്ന് ടക്സ്​പെയിന്റിന് പുതിയ ഇന്റര്‍ഫേസ് നല്കിയതിലൂടെ ഇരുമ്പനം ഹൈസ്കൂള്‍ വിദ്യാര്‍ത്ഥികള്‍ തെളിയിച്ചിരിക്കുകയാണെന്നും അദ്ദേഹം പറഞ്ഞു.ഹാര്‍ഡ്​വെയര്‍, സോഫ്റ്റ്​വെയര്‍ രംഗങ്ങളില്‍ പെണ്‍കുട്ടികളുടെ പ്രാതിനിധ്യം കുറവാണെന്നും ഈ സ്ഥിതി മാറേണ്ടതുണ്ടെന്നും അദ്ദേഹം പറഞ്ഞു.സ്വതന്ത്ര സോഫ്റ്റ്​വെയര്‍ പ്രവര്‍ത്തകനായ ശ്രീകാന്ത് സ്കൂളിലെ പ്രവര്‍ത്തനങ്ങള്‍ക്ക് എല്ലാവിധ പിന്തുണയും വാഗ്ദാനം ചെയ്തു.

Posted in club activity, news, ഐ.ടി കോര്‍ണര്‍ വാര്‍ത്തകള്‍, വാര്‍ത്ത, സാങ്കേതികം | 1 Comment

കുട്ടികള്‍ക്ക് കൃഷി വകുപ്പില്‍ നിന്നും വിത്തുകള്‍ നല്കി.

Muncipal Councilor Suresh, inaugurates the function

തിരുവങ്കുളം കൃഷിഭവന്റെ ആഭിമുഖ്യത്തില്‍, കുട്ടികളില്‍ കാര്‍ഷിക സംസ്ക്കാരം വളര്‍ത്തുന്നതിനു വേണ്ടി പയര്‍, വെണ്ട, ചീര, വഴുതന, മുളക്  തുടങ്ങിയവയുടെ  വിത്തുകളടങ്ങിയ അഞ്ഞൂറോളം വിത്ത് പായ്ക്കറ്റുകളുടെ വിതരണം നടന്നു. തിരുവാങ്കുളം കൃഷി ഓഫീസറുടെ നേതൃത്വത്തില്‍ സ്ക്കൂള്‍ അസംബ്ലിയില്‍ നടന്ന പരിപാടിയില്‍ കൗണ്‍സിലര്‍ ശ്രീ. സുരേഷ്, മാനേജര്‍ എം ഐ പോളി, പി റ്റി എ പ്രസിഡന്റ് ശ്രി. ജമാലുദീന്‍, പ്രിന്‍സിപ്പാള്‍ വി എ തമ്പി തുടങ്ങിയവര്‍ പങ്കെടുത്തു.

Posted in club activity, news, വാര്‍ത്ത | Leave a comment

ഓണാഘോഷം ഗംഭീരമായി.

ഈ വര്‍ഷത്തെ ഓണാഘോഷ പരിപാടികള്‍ ഓഗസ്റ്റ് 26-ന് വിപുലമായ പരിപാടികളോടെ നടന്നു.  എല്ലാ ക്ലാസ്സുകളിലും കുട്ടികള്‍ മനോഹരങ്ങളായ പൂക്കളങ്ങളിട്ടു. 11 മണിയോടെ മാവേലിത്തമ്പുരാന്‍ എഴുന്നള്ളി. കുട്ടികളുടെ വിവിധ ഗ്രൂപ്പുകള്‍ ഓണപ്പാട്ടുകള്‍ പാടി.  UP. HS. VHSS, വിഭാഗങ്ങളില്‍ മികച്ച പൂക്കളങ്ങള്‍ക്ക് സമ്മാനങ്ങള്‍ നല്‍കി. ഓഫീസിനു മുന്നില്‍ സ്റ്റാഫ് ഒരുക്കിയ പൂക്കളം ഏവരുടെയും ശ്രദ്ധ ആകര്‍ഷിച്ചു. 12 മണിയോടെ ഓണ സദ്യ ആരംഭിച്ചു.കുട്ടികളും രക്ഷാകര്‍ത്താക്കളുമടക്കം ആയിരത്തോളം പേര്‍ ഓണസദ്യയില്‍ പങ്കെടുത്തു. പരിപാടികള്‍ക്ക് അധ്യാപകരും പിടിഎ അംഗങ്ങളും നേതൃത്വം നല്‍കി.

Posted in Uncategorized | Leave a comment

തൃപ്പൂണിത്തുറ അത്തം ഘോഷയാത്രയില്‍ ഇരുമ്പനം സ്ക്കൂളും

ചരിത്ര സ്മരണകളുണര്‍ത്തി നഗര സഭയുടെ ആഭിമഖ്യത്തില്‍ നടന്ന അത്തം ഘോഷയാത്രയില്‍ സ്ക്കൂളില്‍ നിന്നും റെഡ്ക്രോസ്, സ്ക്കൗട്ട്, എന്‍ എസ്സ് എസ്സ് എന്നിവയുടെ ആഭിമുഖ്യത്തില്‍ നൂറോളം വിദ്യാര്‍ത്ഥികള്‍ പങ്കെടുത്തു. ചിട്ടയോടെ മാര്ച്ച് ചെയ്ത് നീങ്ങിയ കുട്ടികള്‍ ഏവരുടെയും പ്രശംസ പിടിച്ചുപറ്റി.

വിദ്യാര്‍ത്ഥികള്‍ അത്തം നഗറില്‍

READY...... MARCH....

Posted in Uncategorized | Leave a comment

സ്വാതന്ത്ര്യ ദിനാഘോഷം

ഈ വര്‍ഷത്തെ സ്വാതന്ത്ര്യ ദിനം സ്ക്കുളില്‍ സമുചിതമായി ആചരിച്ചു. രാവിലെ 9 മണീക്ക് മാനേജര്‍ എം ഐ പോളി ദേശീയ പതാക ഉയര്‍ത്തി. തുടര്‍ന്ന് സ്വാതന്ത്ര്യ ദിന റാലി നടത്തി. അദ്ധ്യാപകരുടെയും പിടിഎ ഭാരവാഹികളുടെയും നേതൃത്ത്വത്തില്‍ അറുന്നൂറോളം കുട്ടികള്‍ കരിങ്ങാച്ചിറ വരെ മാര്‍ച്ച് ചെയ്തു. പിന്നീട് നടന്ന സമ്മേളനത്തില്‍ മാനേജര്‍ എം ഐ പോളി, പ്രിന്‍സിപ്പാള്‍ വി എ തമ്പി, പി ടിഎ പ്രസിഡന്റ് ജമാലുദീന്‍, അദ്ധ്യാപകര്‍, വിദ്യാര്‍ത്ഥി പ്രതിനിധികള്‍ തുടങ്ങിയവര്‍ സംസാരിച്ചു. കുട്ടികളുടെ വിവിധ ഗ്രൂപ്പുകള്‍ ദേശഭക്തി ഗാനങ്ങള്‍ പാടി. തുടര്‍ന്ന് മധുര പലഹാര വിതരണം നടന്നു. സ്കൗട്ട്, റെഡ് ക്രോസ് വിഭാഗത്തില്‍പ്പെട്ട കുട്ടികളുടെ സജീവ സാന്നിധ്യം പരിപാടിയിലുടനീളം പ്രകടമായിരുന്നു.

Posted in Uncategorized | Leave a comment